ΠΡΟΣ ΚΟΡΙΝΘΙΟΥΣ Α΄ 12:7-14

SBL Greek New Testament

⁷ ἑκάστῳ δὲ δίδοται ἡ φανέρωσις τοῦ πνεύματος πρὸς τὸ συμφέρον. ⁸ ᾧ μὲν γὰρ διὰ τοῦ πνεύματος δίδοται λόγος σοφίας, ἄλλῳ δὲ λόγος γνώσεως κατὰ τὸ αὐτὸ πνεῦμα, ^9 [a]ἑτέρῳ πίστις ἐν τῷ αὐτῷ πνεύματι, ^[b]ἄλλῳ χαρίσματα ἰαμάτων ἐν τῷ ^[c]ἑνὶ πνεύματι, ^10 [d]ἄλλῳ ἐνεργήματα δυνάμεων, ^[e]ἄλλῳ προφητεία, ^[f]ἄλλῳ διακρίσεις πνευμάτων, ^[g]ἑτέρῳ γένη γλωσσῶν, ^[h]ἄλλῳ ἑρμηνεία γλωσσῶν· ¹¹ πάντα δὲ ταῦτα ἐνεργεῖ τὸ ἓν καὶ τὸ αὐτὸ πνεῦμα, διαιροῦν ἰδίᾳ ἑκάστῳ καθὼς βούλεται.

¹² Καθάπερ γὰρ τὸ σῶμα ἕν ἐστιν καὶ μέλη ^[i]πολλὰ ἔχει, πάντα δὲ τὰ μέλη τοῦ ^[j]σώματος πολλὰ ὄντα ἕν ἐστιν σῶμα, οὕτως καὶ ὁ Χριστός· ¹³ καὶ γὰρ ἐν ἑνὶ πνεύματι ἡμεῖς πάντες εἰς ἓν σῶμα ἐβαπτίσθημεν, εἴτε Ἰουδαῖοι εἴτε Ἕλληνες, εἴτε δοῦλοι εἴτε ἐλεύθεροι, καὶ ^[k]πάντες ἓν πνεῦμα ἐποτίσθημεν.

¹⁴ Καὶ γὰρ τὸ σῶμα οὐκ ἔστιν ἓν μέλος ἀλλὰ πολλά.